→ રાજસ્થાનના રાજસમંદ જિલ્લામાં સ્થિત કુંભલગઢ કિલ્લો રાજપૂત સૈન્ય સ્થાપત્યનું અદ્દભુત ઉદાહરણ છે. કિલ્લો તેની પ્રભાવશાળી 36 કિમી લાંબી, રક્ષણાત્મક દિવાલ માટે જાણીતો છે.
→ આ દિવાલ ચીનની મહાન દિવાલ પછી વિશ્વની બીજી સૌથી લાંબી દિવાલ માનવામાં આવે છે.વર્તમાન સ્થાયી માળખું 15મી સદીમાં મેવાડના સિસોદિયા રાજપૂત વંશના રાણા કુંભા દ્વારા બનાવવામાં આવ્યું હતું.
→ મેવાડના રાજા રાણા કુંભાએ આ ગઢનું બાંધકામ ઇ.સ. ૧૪૪૩ માં શરૂ કરી અને ઇ.સ.૧૪૫૮ માં પૂર્ણ કર્યું હતું.
→ રાણા કુંભાએ તેમના મુખ્ય આર્કિટેક્ટ મંદાનાની મદદથી આ કાર્ય પૂર્ણ કર્યું, જેઓ આર્કિટેક્ચરમાં નિષ્ણાત હોવાનું કહેવાય છે.
→ મંદાનાને આર્કિટેક્ચર પર અનેક મૂલ્યવાન કૃતિઓના લેખકત્વનો શ્રેય આપવામાં આવે છે, જેમાંથી સૌથી પ્રખ્યાત રાજવલ્લભસ્તુશાસ્ત્રમ છે.
→ કુંભલગઢની અંદર જ એક બીજો કિલ્લો છે, જે કટારગઢના નામથી ઓળખાય છે. જ્યાં મહારાણા પ્રતાપનો જન્મ થયો હતો એમ ઘણા ઇતિહાસકારોનુ મંતવ્ય છે.
→ આ કિલ્લાની અંદર બાદલમહેલ, કુંભમહેલ, આશરે ૩૬૦ જેટલા મંદિરો (જેમાં ૩૦૦ જેટલા જૈનમંદિરો છે), બાગબગીચા અને પાણીપૂરવઠાની વ્યવસ્થા છે.
0 Comments
Any suggestions, Please comment Below 👇