→ તેનો ઉપયોગ રણપ્રદેશમાં ભારવહન કરવા અને સવારી કરવા માટે થાય છે. આ કારણે તેને રણનું વાહન પણ કહેવાય છે.
→ ઊંટને રોજનું આશરે 60 લીટર પાણી મળે તેવી ગોઠવણ કરવી જોઈએ
→ ઊંટના બચ્ચાને બોતડું કહે છે.
→ ઊંટડી ત્રણ વર્ષ બાદ ઋતુમાં આવે છે.
→ ઊંટડીનો ગર્ભકાળ સરેરાશ 370 થી 390 દિવસનો હોય છે.
→ સંવર્ધન શિયાળાની ઋતુમાં કરવામાં આવે છે.
→ દુધાળા સમયમાં 2800 કિલો દૂધ આપે છે.
→ ઊંટને ઝેરબાજ નામનો ચેપી રોગ થાય છે.
→ ઊંટના પગ નીચે ગાદી હોય છે. જેથી રણમાં ઝડપથી ચાલી શકે છે.
→ ઊંટ એ લાંબો સમય પાણી સંગ્રહ કરી શકે છે.
→ ઊંટના વાળમાંથી દોરીઓ, ધાબળાઓ, સાદડી વગેરે બનાવવામાં આવે છે.
→ તેના ચામડાંનો ઉપયોગ શૈલીઓ અને તેલ રાખવાની કૂપીઓ બનાવવા માટે થાય છે.
→ ઊંટ પાલકો ઊંટના દૂધનો ઉપયોગ પીવા માટે કરે છે.
→ ભારતમાં સૌથી વધુ ઊંટ રાજસ્થાન રાજ્યમાં જોવા મળે છે. ત્યારબાદ અનુક્રમે ગુજરાત અને હરિયાણામાં જોવા મળે છે.
→ પંજાબ, હરિયાણા, ઉત્તરપ્રદેશ અને મધ્યપ્રદેશમાં પણ થોડા અંશે ઊંટ જોવા મળે છે.
→ ઉત્તરપ્રદેશ અને પંજાબના મેદાની તથા નદી તટ પ્રદેશમાં તેમજ રાજસ્થાનના જેસલમેર અને બિકાનેર જિલ્લાના રણક્ષેત્રમાં ઊંટ વધુ જોવા મળે છે.
→ ઉત્તર પંજાબના પર્વતીય ક્ષેત્રમાં મુખ્યત્વે પર્વતીય ઊંટ (Hill Camel) જોવા મળે છે.
→ રાજસ્થાનના અલવર, બિકાનેરી, કચ્છી અને જેસલમેરી ઉચ્ચ કક્ષાની ઊંટોની જાતો માનવામાં આવે છે.
→ એક માત્ર ગુજરાતના કચ્છ જિલ્લામાં જોવા મળતા ખારાઈ ઊંટ સમુદ્રમાં ત્રણ કિ.મી સુધી તરી શકે છે. જેને કારણે તેને તરતા ઊંટ (Swiming Camel) તરીકે પણ ઓળખવામાં આવે છે.
→ ખારાઈ ઊંટ કચ્છની આબોહવા, છીછરા સમુદ્ર અને ખારાશને અનુરૂપ રહી શકે છે.
→ તેનો મુખ્ય ખોરાક મેંગરુવ વૃક્ષ હોય છે.
→ ગુજરાતમાં અમૂલ ડેરી દ્વારા ઊંટડીના દૂધના વેચાણને પ્રોત્સાહન આપવા 'કેમલ મિલ્ક' નામની પ્રોડકટ લોન્ચ કરવામાં આવી છે.
→ પાટણના સિદ્ધપુર ખાતે સરસ્વતી નદીના કિનારે કાર્તિકી પૂનમના દિવસે કાત્યાયનો મેળો ભરાય છે. જેમાં ઊંટની મોટા પાયે લે-વેચ કરવામાં આવે છે.
→ યુનાઇટેડ નેશન્સ દ્વારા 2024ના વર્ષને ‘આંતરરાષ્ટ્રિય ઊંટ વર્ષ’ તરીકે જાહેર કરાયું છે.
→ ઊંટોના સંરક્ષણ માટે દર વર્ષે 22 જૂને આંતરરાષ્ટ્રીય ઊંટ દિવસ ઉજવવામાં આવે છે.
0 Comments