→ સમગ્ર વિશ્વમાં દર વર્ષે 13 ફેબ્રુઆરીના રોજ ‘વિશ્વ રેડિયો દિવસ'ની ઉજવણી કરવામાં આવે છે.
→
UNESCOની 36મી જનરલ કોન્ફરન્સમાં 3 નવેમ્બર, 2011ના રોજ આ દિવસની ઉજવણીની જાહેરાત (અપનાવવામાં આવ્યો હતો.)કરવામાં આવી હતી.
→ વર્ષ 2012માં પ્રથમ રેડિયો દિવસની ઉજવણી કરવામાં આવી હતી.
→ આ પછી યુનેસ્કોએ આ દિવસને 13 ફેબ્રુઆરી 2012ના રોજ વિશ્વ રેડિયો દિવસ તરીકે પ્રથમ વખત ઉજવ્યો.
→ આ દિવસની ઉજવણી માટેનો પ્રસ્તાવ સ્પેન દ્વારા રજૂ કરવામાં આવ્યો હતો.
→ 13 ફેબ્રુઆરી 1945માં સંયુક્ત રાષ્ટ્ર (UN) દ્વારા રેડિયો પરથી સૌપ્રથમવાર પ્રસારણ કરવામાં આવ્યું હતું.
→ વિશ્વ રેડિયો દિવસની ઉજવણીનો મુખ્ય ઉદ્દેશ નાગરિકો તથા પ્રચાર માધ્યમોમાં રેડિયોના મહત્વ અંગે જાગૃતિ કેળવવા તતઃ લોકો સુધી રેડિયોના માધ્યમથી માહિતી પહોચાડવાનો છે.
→ વિશ્વ રેડિયો દિવસ અભિવ્યક્તિની સ્વતંત્રતા, જાહેર ચર્ચા અને શિક્ષણના પ્રસારમાં રેડિયોના મહત્વને સમજાવવાના ઉદ્દેશ્ય સાથે ઉજવવામાં આવે છે. તે નિર્ણય લેનારાઓને રેડિયો દ્વારા માહિતી સ્થાપિત કરવા અને પ્રસારિત કરવા, નેટવર્કિંગ વધારવા અને બ્રોડકાસ્ટર્સ વચ્ચે એક પ્રકારનું આંતરરાષ્ટ્રીય સહયોગ પ્રદાન કરવા માટે પણ પ્રોત્સાહિત કરે છે.
→ સેટેલાઈટ રેડિયો, સામુદાયિક રેડિયો, બ્રોડબેન્ડ રેડિયો, કેમ્પસ રેડિયો, એફ.એમ. રેડિયો, એ.એમ. રેડિયો વગેરે રૂપે રેડિયો મનોરંજન, શિક્ષણ અને માહિતી આપતું સરળ અને સુલભ, શ્રાવ્ય માધ્યમ માનવીના જીવનમાં અગત્યની ભૂમિકા ભજવે છે.
→ વર્ષ 1900માં ઈટાલીના જી. માર્કોની દ્વારા રેડિયો ટ્રાન્સમિશન આધારિત વાયરલેસ ટેલિગ્રાફ સેવા શોધવામાં આવી હતી. ત્યારથી વિશ્વભરમાં રેડિયો પ્રસારણ મોટાપાયે થાય છે.
→ વર્ષ 1920માં પ્રથમ અમેરિકી લાયસન્સ ધરાવતું રેડિયો સ્ટેશન પિટ્સબર્ગ, પેન્સિલવેનિયા ખાતે શરૂ થયું હતું.
→ વર્ષ 1930માં FM રેડિયો પ્રસારણની શોધ અમેરિકી એન્જિનિયર એડવિન આર્મસ્ટ્રોંગે કરી હતી ત્યારથી આજ સુધી FM રેડિયો લોકપ્રિય છે.
→ વર્ષ 1936માં આકાશવાણીની સ્થાપના થઈ હતી. હાલમાં રેડિયો પરથી 92 ભાષાઓ અને 607 બોલીઓમાં સમાચાર બુલેટિનો પ્રસારિત થાય છે.
→ ગુજરાત રાજયમાં સૌપ્રથમ વડોદરા રાજવી ગાયકવાડ પરિવાર દ્વારા વર્ષ 1939માં રેડિયો સ્ટેશન શરૂ કરાયું હતું. જેને આઝાદી બાદ સરકારને સોંપવામાં આવ્યું હતું.
→ વર્ષ 1949માં અમદાવાદમા રેડિયો સ્ટેશનની શરૂઆત થઈ હતી.
વિશ્વ રેડિયો દિવસની થીમ
→ 2023ની થીમ : Radio and Peace
→ 2024ની થીમ : Radio: A century informing, entertaining and educating.'
0 Comments