કહેવતો અને અર્થ : Part 4| Gujarati Kahevato

કહેવતો અને અર્થ

1. કાયા કાચો કુંભ → જીવન ક્ષણભંગુર છે.
2. શેરડી ભેગો એરંડો પાણી પીએ → એકની સાથે બીજું પણ લાભ પામે.
3. મઠ વાવીને બાજરો લણવો → પરિશ્રમ કરવાથી જીવન જીવવા રોટલો કમાઈ શકાય.
4. આદત જાય મૂએ → પ્રાણ ને પ્રકૃતિ સાથે જ જાય.
5. ખાયા સો ખોયા, ખિલાયા સો પાયા → ખાધું તે ખાધું, ખવરાવ્યું તે પામ્યા, પ્રાપ્ત કર્યું
6. વાઘના મોંમા ગયું પાછું આવે નહિ → દુર્જનના સંગમાં અહિત જ થાય.
7. આપ સમાન બળ નહિ ને મેઘ સમાન જળ નહિ → જાતમહેનત સર્વશ્રેષ્ઠ છે.
8. દાળની સોબતથી ચોખો નર મટી નારી થયો → જેને જેવો વાસ તેને તેવો પાશ; સોબતના ગુણસંસ્કાર આવવા.
9. અણી ચૂકયો સો વરસ જીવે → કટોકટીમાંથી પાર ઊતરી જવું તે જ ઉત્તમ છે.
10. ભૂલાનો ભાઈ ને ભૂંડાનો જમાઈ → વ્યક્તિ જેવી હોય એ રીતે એની સાથે વર્તવું
11. વાડ ચીભડાં ગળે → રક્ષક જ ભક્ષક બને એ સારું નહિ.
12. જીવ્યા કરતાં જોયું ભલું : ફરતા રહીને દુનિયા જોવી તે જિંદગી કરતાં પણ વધારે મહત્ત્વનું છે.
13. અન્ન એવો ઓડકાર → જેવો ખોરાક એવાં વાણીવર્તન થાય.
14. ભસતાં કૂતરાં કરડે નહિ → બણગાં ફૂંકનાર કે બડાઈ હાંકનાર કંઈ કરી શકતા નથી.
15. ગોળ નાખીએ એટલું ગળ્યું થાય → પ્રમાણમાં ઓછું હોય છતાં ઉત્તમ વસ્તુનું મૂલ્ય આપોઆપ થઈ જાય.
16. વા વાતને લઈ જાય → કશું જ છાનું ન રહેવું
17. ચોર ને ચંદ્રમા સદાયનાં વેરી → બેઉ વિરુદ્ધ ગુણધર્મવાળા વચ્ચે દુશ્મનાવટ
18. ઉજ્જડ ગામમાં એરંડો પ્રધાન → બહુ સારી વસ્તુ ન મળે ત્યાં ઓછી ખરાબ પણ સારી ગણાય.
19. અતિ લોભ તે પાપનું મૂળ → લોભના કારણે ઘણાં અનિષ્ટો જન્મે છે.
20. ખીજે કરડે પગ ને રીઝે ચાટે મુખ → દુર્જન માણસનું વર્તન વિવેકી હોતું નથી.


21. વાણિયાનો જીવ પેટમાં → સ્વાર્થીને સ્વાર્થથી જ મતલબ રહે.
22. ભાલાની અણી ને ચોખાની કણી; માર્યા વગર રહે નહિ → નાની વસ્તુ પણ નુકસાનકારક થઈ પડે છે.
23. દીઠા દેવ ને પહોંચી યાત્રા → જેમ તેમ કાર્ય આટોપવું
24. વાઘ ને બકરી એક ઓવારે પાણી પીએ → પ્રેમ અને સહિષ્ણુતાને વર્તનમાં ઉતારવાં
25. જૂથ ત્યાં સૂથ → સંઘબળ એક શક્તિ છે.