મનોજ ખંડેરિયા | Manoj Khanderia

મનોજ ખંડેરિયા

→ જન્મ : 6 જુલાઇ, 1943 (જૂનાગઢ)

→ પૂરું નામ : મનોજ વ્રજલાલ ખંડેરિયા

→ અવસાન : 27 ઓકટોબર, 2003

→ શિક્ષણ : બી.એસસી.,એલ.એલ.બી.

→ ગુજરાતી ગઝલની તાસીર બદલનાર અને ગઝલને એક સ્વાયત્ત કલાસ્વરૂપ તરીકે પ્રતિષ્ઠા અપાવનાર પ્રયોગશીલ ગઝલકાર મનોજ ખંડેરિયા

→ તેમણે ઝૂલણાંને ગઝલમાં ઉતાર્યા હતા. તેમની દીવાલો નામની ગઝલ કુમાર માસિકમાં વર્ષ 1966માં પ્રકાશિત થઈ હતી.

→ તેમણે વર્ષ 1968થી જૂનાગઢમાં વકીલાતની શરૂઆત કરી અને સાથે સાથે કાવ્યો લખતા જતા.

→ વર્ષ 1970માં અચાનક નામે પ્રકાશિત થયેલા તેમના પ્રથમ કાવ્યસંગ્રહે તેમને ખૂબ પ્રસિદ્ધિ અપાવી.

→ તેઓ નરસિંહ મહેતા સાહિત્યનિધિ ટ્રસ્ટના પ્રમુખ પદે પણ રહ્યાં હતાં

→ તેમને વર્ષ 1999માં કલાપી એવોર્ડ અને વર્ષ 2002માં ધનજી-કાનજી સુવર્ણચંદ્રકથી સન્માનિત કરવામાં આવ્યાં હતાં.

સાહિત્ય સર્જન

→ કાવ્ય : શાહમૃગો, આયનાની જેમ, વેણ મારા ખૂટે, વચમાં જ્યાં થાય

→ કાવ્યસંગ્રહ: અચાનક, અટકળ

→ ગઝલ : પગરવ, ભીત મૂંગી રહી, સમય, ભાર પીછાંનો, મારો અભાવ, લીલા લીલા સંભવ જેવું, પીછું, રસ્તા વસંતના, ક્ષણોને તોડવા બેસું તો

→ ગઝલસંગ્રહ: અંજની, હું ક્યાંય ગયો નથી, વરસોના વરસ લાગે, હસ્તપ્રત

→ સંપાદન : કોઈ કહેતુ નથી, એમ પણ બને

પંક્તિઓ

આ ડાળ ડાળ જાણે કે રસ્તા વસંતના,
ફૂલોએ બીજું કૈં નથી, પગલાં વસંતના.

સમ અહીંની જુદી, નિયમ સાવ નોખા
અમારે તો શબ્દો જ કંકુને ચોખા

મને સદભાગ્ય કે શબ્દો મળ્યા તારે નગર જાવા,
ચરણ લઈ દોડવા બેસું તો વરસોનાં વરસ લાગે.

પકડો કલમ ને કોઈ પળે એમ પણ બને
આ હાથ આખેઆખો બળે, એમ પણ બને.

બે લખી ગઝલ- મોથ શું મારી ?
તારી ક્યાં છે કમાલ. ભલી જા !

આયનાની જેમ હું તો ઊભી'તી ચૂપ,
ગયું મારામાં કોઈ જરા જોઈને.

→ WhatsApp Group Click

→ Facebbok Page Click