તોય કંઇ સમજાય જો હોય ઝાંઝવા જેવું

તોય કંઇ સમજાય જો હોય ઝાંઝવા જેવું

છળવુ તારુ ન દેખાતી આ હવા જેવું

હવે તો આસમાનોની જ વાતોમાં રમે છે મન

લાગે કશુંયે ના ધરા પર પામવા જેવું

સમશાન શુ લાગ્યા કરે આખુ શહેર મુજને

જીવતુ બચ્યુ છે કોણ અહીંયા ચાહવા જેવું

રહેવાને માટે દિલ જેવી જગ્યા નથી દિલબર

બાકી ઘરોમાં હોય છે શું બાંધવા જેવું

મન મળે ના શું શરમ સંબંધની રાખુ

એ મરે એમાં નથી કંઇ નાહવા જેવું

બની બેઠા ગુરુ સૌના કરે છે વાત એ એવી

લાગે નહી એ વાતમાં કંઇ માનવા જેવું

“હેમંત” હવે તો માણવો છે સ્વાદ મૃત્યુનો

જિંદગીમાં ક્યાં હતુ કંઇ ચાખવા જેવું

- હેમંત પુણેકર